Official Team SPRAWL MMA Statement on the Bullying Issue

Eto ang statement ng Academy or Management na kung saan siya nagtatraining
about sa usaping paghahamon nya sa bully.

Official Team SPRAWL MMA Statement on the Bullying Issue

Hindi po maiwasan ng aming Team SPRAWL MMA na maglabas ng statement hinggil sa bullying issue dahil ang isa naming 14-year-old na kasapi ay nabalitang hinahamon ang bully sa isang laban. Sa isang widely-shared na online news feature, na 111K shares na po ngayon, sa litrato nito (na sadyang ginupit namin dito sa post), ay makikita ang naghahamon na nakaporma sa gilid ng sign ng SPRAWL MMA, sa loob ng aming gym.  (Paumanhin na lamang at di na namin pangangalanan ang naghahamon daw at yung bully, dahil nga sila ay mga menor de edad - kahit na kalat na at pinagpipiyestahan ang kanilang mga pangala't litrato sa social media.)

Kinausap na po namin ang bata. Hindi naman daw niya talagang gustong gumatong at magpasikat sa isyu, at kantyawang bata lang naman daw talaga na di rin niya inasahang sumabog sa social media. Ngunit totoong naantig ang kanyang damdamin dahil 1) talagang naawa siya sa mga biktima ng bullying, at 2) hindi niya matanggap na mapanood ang isang martial artist na ginagamit ang fighting skills para manakit ng kapwa - lalo na silang hindi naman nagsanay sa larangang ito. Sabi pa nga niya, dapat nga daw ay ginagamit pa ang mga natutunang ito para ipagtanggol ang mga nadedehado - sa panahon na talagang kinakailangan. At, pag-iisipan niya na rin daw ng mabuti bago magpost muli ng kahit ano sa social media.

Sa bully naman, sana nawa'y matuto ng leksyon, at madisiplina ng magulang at eskwelahan itong bata para lumaki ng matuwid. At maparusahan ng maayos. Sa mga naging biktima naman, sana'y makarecover agad sa anumang physical injuries at psychological trauma na dulot ng pambubully sa kanila.

Proteksyunan po natin ang ating mga anak, at ang mga bata naming kasapi ay tinuturing namin na mga anak dito sa Team SPRAWL MMA.

Sa pagtatapos, anti-bullying advocates kami sa Team SPRAWL MMA. Laban kami sa lahat ng anyo ng pambubully, ninuman at saan man: ng mga makapangyarihan sa mahihina, ng malalaking bansa sa maliliit, ng mga mayayaman sa mga dukha.

Maligaya't payapang Paskong 2018 sa lahat.

Lumalabas na hindi nila sinasang ayunan ang paghahamon na ginawa ni Joshua sa bully at sinabi pa nya na hindi naman daw nya intensyon na seryosohin ang hamon and he did'nt also expect na magvaviral ang issue.

Eto naman ang sabi ng MUAYTHAI  ASSOCIATION OF THE PHILIPPINES regarding sa viral issue

 

Source: Official Facebook account of Joshua Aaron

Writren by: Alvin Umandal