ANONG DAPAT GAWIN KAPAG MAY TIGDAS SI BABY

Huwag ninyong hayaang mawala ang mahal nating maliliit na anak dahil sa tigdas.Pls take your time to read some tips and info on how and what to do about measles or tigdas.

Ang measles o tigdas ay isang uri ng sakit (respiratory illness) na kumakalat sa pamamagitan ng hangin. Ito ay nakakahawa at delikado ito para sa mga batang hindi nabakunahan at sa mga buntis.

Ano ang pwedeng gawin kapag nagkaroon ka ng tigdas?

✔ Lumayo sa mga tao • Mabilis kumalat ang tigdas lalo na sa mga taong hindi nabakunahan. Ang paglanghap sa hangin na hinihingahan din ng isang taong may tigdas ay nakakapagpataas ng tyansa ng pagkakaroon ng tigdas. Anumang lugar na puntahan ng isang taong may tigdas ay magiging kontaminado na at sinumang naroroon sa lugar na 'yon ay maaaring mahawa 2 oras matapos nilang lisanin ang lugar na iyon.

Para ma-proteksyonan ang iba, lumayo muna sa mga tao at magkulong sa bahay hanggang sa tinatawag na contagion period --- 4 na araw matapos magkaroon ng rashes sa katawan.

Kung mayroong ibang tao sa bahay na hindi pa nababakunahan, tumawag sa doktor para matanong kung may oras pa para pabakunahan sila o kaya naman ay isa pang treatment na tinatawag na Immunoglobulin (IG) therapy. Ang therapy na ito ay recommended lang para sa mga sanggol na 1 taon pababa na hindi pa nabakunahan at exposed sa virus pati na rin sa mga buntis na hindi pa nabakunahan at sa mga bata na mahina ang immune system.

✔ Makipag-usap sa doktor tungkol sa Vitamin A • Ayon sa pag-aaral, ang mga taong kulang sa Vitamin A ay mas prone sa komplikasyon ng tigdas katulad ng pneumonia.

Ang tigdas ay tumatagal ng hanggang 2 linggo at may ganitong mga sintomas:
• Rashes
• Lagnat (dapat ay hanggang 5 araw lang ito)
• Ubo
• Pagbabara ng ilong
• Namumula at nagtutubig na mata

Bagama't walang medikal na gamutan para sa tigdas, maaaring gawin ang mga sumusunod para maibsan ang sintomas:
✔ Uminom ng gamot na pampababa ng lagnat tulad ng paracetamol, ibuprofen o acetaminophen. HUWAG paiinumin ng aspirin ang mga bata na may sakit na dulot ng virus tulad ng tigdas dahil pwede itong maging sanhi ng Rye's Syndrome, isang pambihirang sakit na nakamamatay.

✔ Magpahinga at uminom ng maraming tubig para maiwasan ang dehydration.

 ✔ Huwag magbibigay ng gamot para sa sipon. Hindi ito recommended dahil hindi naman nakakatulong sa sintomas. Ang maling pagpapainom nito ay pwedeng magdulot ng pinsala.

Ang mga bata na wala pang 5 taong gulang at mga matatanda na higit 20 taong gulang ay mas prone sa mga seryosong komplikasyon ng tigdas katulad ng pneumonia, pamamaga ng utak, seizures, pagtatae, ear infections, at kawalan ng pandinig dahil sa pinsala sa utak.

Tawagan ang doktor kung makapansin ng ganitong sintomas:

• Sobrang taas na lagnat (39.7° C)
• Kakaibang kilos tulad ng hallucinations o sobrang pagkairita
• Panghihina
• Hirap sa paghinga o sobrang paghinga
• Sakit ng ulo
• Seizures o kombulsyon
• Problema sa paningin o pandinig

Written by:
Breastfeeding Mommy Blogger

SOURCE: https://www.parents.com/health/rashes/what-to-do-if-you-or-your-child-gets-the-measles/

📷 medical news today

Published by
emerita gitgit
lagat14344
AdminYhadz
yeheeybizfriends